STEM is Everywhere!: Reflexións Iniciais

As EOI somos ensinanzas de réxime especial, e polo tanto hai protocolos que non necesitamos usar pois tratamos case sempre con alumnado adulto. Por outra banda, non empregamos o programa XADE, como a maioría dos centros educativos galegos, senón Centros-Net. A xestión de aula é outro aspecto diferente posto que, ao non ser ensino obrigatorio, a grande maioría do noso alumnado vén altamente motivado. Ben é certo que temos outros problemas específicos, como poden ser a alta taxa de abandono, a necesidade de modificar patróns de aprendizaxe "nocivos" ou o ensino de estratexias de aprendizaxe autónoma e autorregulada.

Debido a ese carácter "especial" do ensino nas EOI, unha das cousas que máis me gusta do traballo na asesoría do CAFI é precisamente a posibilidade de explorar outros ámbitos e niveis educativos. Cando deixei as aulas de EOI unha das cousas que percibín inmediatamente e que me resultou un shock foi darme conta de canto descoñecía o traballo que se está levando a cabo noutras etapas educativas. 

Pola tipoloxía de traballo que temos que levar a cabo, cómpre saír do noso "nicho" e explorar o mundo da educación infantil, primaria, secundaria, FP e outras ensinanzas de réxime especial. Lexislación, protocolos, documentos guía, xornadas de formación, diálogos cos compañeiros/as e visitas a centros educativos van contribuíndo moi pouco a pouco a conformar unha imaxe do que é un sistema educativo na súa globalidade.

Por outra banda, cómpre tamén ampliar miras e mesmo formarse en ámbitos para os que unha non está capacitada, como pode ser o emprego de novísimas tecnoloxías ou o ámbito STEM, que é do que vos falarei hoxe.

Xa comentei en anteriores entradas algunha experiencia de aprendizaxe relacionada con estas áreas, e agora mesmo estou inmersa noutra que é un curso na Rede titulado STEM is everywhere! É un MOOC gratuíto e aberto que lanza a European Schoolnet Academy e que toma como punto de partida os seguintes obxectivos:

This course is meant to connect Science, Technology, Engineering and Mathematics (STEM) classes with “real life” and help teachers integrate real-world problems into their STEM lessons and practices. The lack of connection between real life and STEM classes might cause students to rule out STEM careers, because they feel detached from STEM and might deem it too “academic” or “research-oriented”.

Teachers often encounter this issue when they aim to motivate their students or direct them towards STEM careers. Therefore, the ‘STEM Is Everywhere!’ course offers guidance and practical examples for you to bring real-world problems to your STEM teaching in an entertaining way. The course also aims to connect you with other STEM teachers so that you can share experiences and best practices.

O módulo 1, o único que está aberto polo de agora, prové unha panorámica do STEM desde as súas orixes e logo entra no debate máis xeral do paradigma educativo actual e das habilidades que cómpren para o século XXI. 

A primeira impresión é positiva para alguén con apenas coñecementos. A información é xeral e non entra moito en detalle (de momento). As tarefas son fáciles - case todas son Padlets nos que temos que engadir unha entrada, ben cunha reflexión, ben cun produto, como a liña do tempo con invencións STEM no noso país que deixo a continuación. Convídasenos xa a buscar unha parella para elaborar o proxecto final, que consiste nunha unidade didáctica seguindo un formato que nos facilitan eles xa desde Scientix.